恒指算係有驚無險，中午12點前萬四點失守，埋單14903，微跌18點。指數雖然只係向下移少少，輪市都係傷心者多，開心者少。升幅超過15%嘅輪（P輪為主）只有13件，跌幅超過15%嘅輪（C輪為主）則有接近50件。唔怪得二三線股，塘水滾塘魚，愈玩愈縮，原來散戶的錢有好多掟咗輪市，或者喺輪市輸咗。
恒指14900失而復得，又有長實（001）、新地（016）等地產股由低位兜翻上由跌變升，帶住個市，估計短期會有番啲氣，升番上萬五點有機會。
長實C輪9122：過去10日，長實最高89.60元，最低80.05元，昨收84.30元，單日升幅1.015元，屬於藍籌中嘅強勢股。市況一旦回穩，估計會繼續有強者本色。
熱門長實C輪3893，最低62仙，高收77仙，由低位彈升24%，單日升幅10.1%（7仙），對長實上升反應最敏感。隻輪10月尾夠鐘，溢價1.5%，槓桿率11.1倍（有效8.6倍），引伸波幅27.4%，數據唔錯。
9122收56仙，原地踏步，亦可以諗吓。隻輪成交拍唔住3893，怡情小注無妨。
章盛