民主黨新領導層表現令人搖頭，不過黨內第二、三梯隊仍然有人躍躍欲試博上位，將軍澳區議員范國威算係其中積極分子。佢食住近期免費報紙周街派條水，抄橋推出噱頭嘢，將自己份工作報告改名做《將軍報》，聲言係市面第四份免費報紙，呢份扮免費報紙嘅刊物今日起喺區內派發。
范國威話，早已計劃搞份免費報紙，目的係將區內事務詳盡向居民介紹，由於財力有限，佢話份報紙由撰稿、編輯、設計以至排版統統由佢一手包辦。創刊號以將軍澳可能興建焚化爐為主題，日後會就此問題搞公投㖭。《將軍報》目前以季刊形式發行，今次印兩萬份，市民亦可到其網站www.garyfan.org下載。
傳真︰2623-9278
電郵︰[email protected]