李彩華（Rain）和楊愛瑾（Miki）昨日到銅鑼灣出席日本化妝品牌Canmake記者會，身穿露背裝的阿Rain無論是打扮還是言行，都搶盡了Miki的風頭。
昨日大會安排阿Rain與Miki在赤裸上身的外籍男模身上塗化妝品，Miki只在男模肚皮上塗眼影，阿Rain卻拿起唇彩筆篤向男模的乳頭，舉止驚人。繼而阿Rain又應大會要求，親吻男模面頰，被冷落了的Miki惟有站在一旁陪笑。
錫男模拮拮哋
未幾，阿Rain又大講有味笑話，她說：「我第一次錫有鬚嘅男子漢，真係好『拮』，我諗今晚發夢都「拮拮哋」。」對於阿Rain的出位表現，Miki暗寸她說：「我都好羨慕呀！未試過親眼見到可以當眾咁錫，但我重細，大個啲先啦！」問Miki可會效法阿Rain穿露背裝時，她說：「我唔夠膽，唔適合我嘅形象，我鍾意着短裙多啲。」
