周潤發明年將演出吳宇森導演的電影《赤壁之戰》，他飾演足智多謀的周瑜，與日本男星渡邊謙飾演的劉備會有連場馬上對陣場面，所以發哥在三個月前開始學習騎馬，希望在開戲前能做到人馬合一。
周潤發明年五月會演出吳宇森導演的電影《赤壁之戰》，戲中發哥飾演周瑜，是三國時代吳國的將領，他與蜀國軍師諸葛亮經常在軍事上大鬥法，但在吳宇森導演下的《赤》片，發哥的主要對手卻是由日本演員渡邊謙飾演的劉備。發哥為應付策馬迎戰的場面，幾個月前已在港練習馬術。
專心聽教練講課
發哥現時雖然已去了美國洛杉磯拍攝《魔盜王3》，但他在離港前還如常到屯門公眾騎術學校上最後一課，記者見發哥專心聽取教練的指導後便上馬策騎，還騎得有板有眼。
半小時後，發哥下馬接受訪問說：「為咗拍《赤壁之戰》，我學咗騎馬三個月，阿John（吳宇森）話喺部戲入面我成日要騎馬，重要喺馬上同人開戰，所以佢要求我喺開戲前學好騎馬，所以我趁未開工學定囉！呢幾個月我每個禮拜學三堂，希望可以喺最短時間做到人馬合一啦！」
被馬兒噬去衫袖
學習騎馬後，發哥才發覺騎馬一點也不簡單，極考個人的平衡力，他說：「學咗一排後，我覺得自己嘅平衡力好咗，我對騎馬愈嚟愈大興趣，而且對馬嘅認識亦多咗好多，呢度有一隻馬好鬼鍾意咬人，有次我咁啱騎呢隻馬，佢一個唔該，喺我手臂咬咗一吓，我縮咗都俾佢咬咗成隻衫袖去，所以有時騎馬都要了解清楚馬嘅脾性，得閒又要同佢沖吓涼，聯絡吓感情，咁樣你騎上馬背度，佢先至會乖乖畀你騎。」
採訪：魯萍 攝影：仇志德
