下年任期屆滿嘅科技大學校長朱經武噚日出席校內一項頒獎禮，會後佢即刻俾記者們圍住問佢嘅去留。不過，朱校長一如以往咁溫文，話未決定去留，𠵱家都重好難作出抉擇。
佢重話自己好愛做研究，下星期要去非洲、英國等地作巡迴演講，講吓佢嘅新研究同埋最耍家嘅超導體。佢笑言，由於太過學術性，香港嘅大眾冇乜興趣。至於近期獲霍英東捐咗八億，科大會點樣答謝佢呢？朱校長話，霍先生好好，只係叫佢哋搞好科大，唔需要用任何方式答謝佢喎，亦毋須攞啲學院嚟命名。咦，原來去飲喜酒，唔係一定要做人情㗎喎。
爆料熱線：29290000、27860099
報料傳真：26239278
報料電郵：[email protected]