無綫外購日劇《大奧》於下月十九日播出，昨日在尖沙嘴美麗華酒店舉行記者會，胡杏兒及香港先生高鈞賢、鄭健樂、鄧仲謙、王家昌均穿上和服撐場，四位香港先生更合力抬起坐上山兜的胡杏兒出場。
着和服行唔到
其間胡杏兒帶領兩位高層和四位香港先生主持日本傳統破酒桶儀式，豈料幾位壯男木槌一揮，酒花四濺，胡杏兒被飛濺的酒弄得險些睜不開眼睛，她說：「我見到個酒桶都知道有事，平時啲酒桶係好少酒，我見個桶滿晒，都已經企後啲，點知都食晒！」
胡杏兒表示早在二月，無綫已安排她到京都八天拍攝《大奧解說》，她說：「拍嗰時好凍，我着好多件衫，所以觀眾睇嚟以為我重咗幾磅，同埋日本和服有好多層，我着嗰件有二十層，好重，所以行唔到。」
採訪、攝影：楊潔雯