香港迪士尼樂園開幕日話咁快就到，各代理行都借勢宣傳。香港置業特別喺東涌、荃灣、馬灣同深井嘅迪士尼沿線開設「迪士尼物業升值資訊中心」。除針對有意查詢迪士尼周邊物業資料嘅本地客，亦專為有意喺本港置業嘅內地客提供服務。 講開資訊中心，中原地產早前公布喺機鐵青衣站開設「資訊中心」今日正式開張，重請到九倉黃光耀到場做嘉賓。