【本報訊】立法會政制事務委員會主席、泛聯盟呂明華表現屢遭批評，更有傳親政府陣營有意在立法會復會後「易角」；但泛聯盟成員劉秀成昨日聲言「挺硬」呂明華，「你哋要郁佢，我就要同你講數」；更揚言泛聯盟要在議會中「左右大局」。
劉秀成昨與傳媒茶敍時引述稱，呂明華熱愛主持政制會議，又自覺表現良好，「佢一早話咗，我肯犧牲去做」。泛聯盟認為，呂明華的犧牲應有價值，加上政制事務委員會需要「把關」，以防出現亂子，「最驚有啲人利用主席個位嚟玩嘢」，因此他力撐呂明華連任，直指「我哋挺硬佢，你哋要郁佢，我就要同你講數」。
以財委會主席作交換
問到會否支持黃宜弘出任財務委員會主席，劉秀成最初笑稱「唔使，佢會使橫手」；及後則指，黃宜弘若支持呂明華連任，「咁就有得傾」，換言之是用作交換條件，泛聯盟可以支持黃角逐財委會主席一職。他更揶揄現任財委會主席劉慧卿欠缺自信心，更將事件政治化。
雖然泛聯盟只有五名成員，但滿有野心，劉秀成強調要在議會中「左右大局」，「我哋要成為關鍵少數派，否則無人會睇起我哋。」