戴夢夢昨日到位於窩打老道的母校新法書院，為新歌《花灑》拍攝MV。夢夢表示由於歌曲適合在校園拍攝，所以特意回母校取景。
舊同學唔畀面
原先夢夢構思邀請舊同學拍攝，不過礙於他們不肯出鏡，故改為邀請《當四葉草遇上劍尖時》的舊拍檔唐詩詠、李宇陽、高皓正及朱凱婷等客串演出。
夢夢說：「重返校園，先發覺變化好大。原來𠵱家啲學校好先進，門口有個八達通入閘機，係畀職員同學生記錄返學時間，好彩以前冇呢樣嘢，唔係遲到一定走唔甩！」
MV中，其中一幕講述夢夢離校後有天駕着跑車，重回母校，夢夢說：「我聽啲師兄師姐講，話麥家琪當年讀新法都係揸跑車返學，不過唔知係咪真。但我今日拍揸車戲，架車係棍波，我唔識揸棍波車，惟有放低手掣畀架車自己行，嚇死工作人員。」
採訪、攝影：魯萍
