馬仔講匯報局譚香文要留心 - 李八方

  馬仔講匯報局譚香文要留心 - 李八方

自從任志剛總裁決定寫專欄,直接爭取輿論陣地後,頗多部門機關學習,其中最有恒心嘅係馬時亨局長(圖),佢每個月寫一次,呢個月就講「財務匯報局」,八方拜讀之後,覺得譚香文議員應該睇睇。
馬局長篇文介紹呢個財務匯報局嘅背景、功能、財政來源同權力,都好深入淺出,又逐點解釋個局對投資大眾有乜好處,與執法機構是否銜接,結論當然係成立財務匯報局對投資大眾、會計專業以至香港整體係「多贏」方案,希望立法會議員支持並早日通過呢項法案。
為咗呢個匯報局,局長兩度諮詢公眾,四次向立法會財經事務委員會滙報,六月底提交有關條例草案。呢類草案,照理冇乜人關心,因為冇飛攞,唯一有切身利益者係譚香文,唔知譚小姐對局長嘅鴻文有乜睇法呢?


爆料熱線:29290000、27860099
報料傳真:26239278
報料電郵:[email protected]