唐唐等老細發落 - 李八方

  唐唐等老細發落 - 李八方

特區政府換特首,唔多唔少都打亂咗政府嘅部署,好似唐英年(圖)咁,佢本來喺財政預算案中講過,今年下半年會為銷售稅公開諮詢市民意見,但係到𠵱家都冇乜聲氣。
知情者話,唐唐其實都有同傳媒講,只係大家冇察覺,就係佢等緊煲呔嘅最高指示,因為新的特首仍然為佢未來年多任期內,工作優先次序作最後拍板,到時先至知道最後點做,會唔會年尾就銷售稅進行諮詢。
對於唐唐嚟講,呢個當然重要,皆因香港嘅稅收來源太窄已經係公認事實,一定要搵出路,但係對於煲呔嚟講,當前最大問題梗係政改啦,西九都要讓路,所以銷售稅更唔使講,何況佢老哥都做過財爺,知道成日都煲冇米粥,唔怕再推遲一下,反正經濟好轉,大家又當冇晒件事。


爆料熱線:29290000、27860099
報料傳真:26239278
報料電郵:[email protected]