「新西蘭！風景靚！地方乾淨！啲人又純又親切！」Win當了領隊10多年，飛開澳紐線同埃及線，對新西蘭美麗的山光水色，以及人情味，簡直讚不絕口，「可能當地人教育水平較高，對旅客都好親切。我哋試過，酒店將個旅行篋送錯去第二個旅行團，成個篋跟住個團去到但尼丁機場，最後都追得番，啲嘢重要無郁過。畀着第二度，可能已經俾人翻過晒喇！」
記者：陳慧敏
Win醒醒你：一定要掃Manuka蜜糖
去澳洲個個諗住買潤膚霜，但我去新西蘭就一定狂掃Manuka蜜糖。一來嗰邊天氣乾燥，或者去旅行玩得夜又食得零食多，好容易喉嚨痛或者傷風，食一匙蜜糖真係好快就會好番。𠵱家我次次出trip都會帶埋去，以備不時之需，好過食藥呀！