（右起）王晶執導、古巨基同張栢芝合演嘅電影《野蠻必殺技》前日喺深圳拍攝時，冧棚架傷咗兩個武師同埋一個道具工作人員，傷者全部送院，其中一個傷勢嚴重。早排王晶執導嘅內地劇有臨記遇溺死亡，噚日王晶喺電話中承認冧布景整傷咗人，傷者留緊醫。古巨基前日喺澳洲唔在場，本來有戲份嘅栢芝就發高燒請咗假。