美聯集團上個月二十九號，喺報紙出咗份《美聯729物業專訊》，剛過一個月，集團主席黃建業噚日搞咗個慶功宴，席間佢強調集團只會專注本業，唔會辦報，份專訊目的係幫集團搵多啲生意。唔知美記下個月初公布業績時，係咪會提吓份專訊出街後生意有冇多到呢？
另外，黃主席指份專訊出街後，自己冇得再低調，有啲客戶投訴時會直接打嚟搵佢。黃主席重話份專訊內容唔會一味唱好，點樣攞平衡，就要考負責人顧國泰嘞。顧生話加盟美聯後，會同公關等部門緊密聯繫。噚日重開始每日將專訊嘅內容撮要，以MorningNotes形式，發放畀前線。
噚日重見到久違嘅美記前顧問黃錦康，原來份專訊係佢兩年前嘅構思，𠵱家重可以攞得番出嚟用，難怪佢咁開心啦。
電郵地址：[email protected]