八方噚日話，行會成員唔係好高興煲呔事事都唔先諮詢佢哋嘅意見，因為咁就冇團隊精神啦。咁煲呔又真係好難做，人只得一個，點可以個個都討好？當然行會地位崇高，《基本法》寫明，煲呔冇得亂嚟。
行會一定唔易湊，好彩煲呔都有擁躉。八方噚日同泛聯盟嘅石禮謙（圖）傾政改，佢竟然話，要高舉4.26精神，凡係政府推出嘅方案佢都舉手支持喎。總而言之，就係要保留功能組別，唔可以咁快全面直選啦。
「就算原地踏步都支持政府。」有咁忠實嘅擁護者，煲呔真係執到，問石仔係咪行會成員陳智思影響佢，佢話唔係喎。
爆料熱線：29290000、27860099
報料傳真：26239278
報料電郵：[email protected]