上年立法會選舉最大嘅冷門，應該非會計界譚香文莫屬。打住泛民主派旗幟，咁就輕而易舉打敗其他會計界老將喎，北京其實都好訝異㗎，所以佢哋一直都昅住會計界，睇吓個界別究竟發生乜嘢問題，希望有機會時就收復失地。
Mandy姐又點會唔知中央昅佢昅得好實吖，佢都不容有失，可能驚只可做一屆，所以上任後做咗好多工夫，除咗佢開口埋口都講嘅稅務條例改革外，噚日更公布佢呢年嘅工作結果，點出會計師喺香港同內地遇到嘅問題有邊幾項。雖然內容都有啲陳腔濫調，但單係呢份勤力精神，就值得其他功能組別議員學習吓。
傳真︰2623-9278
電郵︰[email protected]