小時候，發燒、肚痛、「傷風咳」，首選向屋邨樓下的街坊陳醫生求診。陳醫生處方的藥水通常很大瓶，藥丸又多，打了針，昏睡昏睡幾個晝夜，睡飽就好了，所以一家人「頭暈身㷫」，都會去看陳醫生，陳醫生理所當然就是「家庭醫生」了。
十多二十年來，針筒少見了，紅紅綠綠的抗生素也怕吃，知道當家庭醫生不是隨隨便便，也發現了一直看的「家庭醫生」原來不是家庭醫生。
香港家庭醫學院院長鍾子能，是執業二十多年的「正牌」家庭醫生，他笑言家庭醫學與耳鼻喉、兒科、骨科一樣，也是專科，最怕別人把家庭醫學當成普通科，「家庭醫學係要培訓過，之前要接受內科、兒科及婦科訓練，同樣係訓練六年，唔係話樣樣都識少少。」
鍾子能直言巿民的教育水平提升，要求打針及處方抗生素已很少見，「以前乜事都話要打支針先會好，𠵱家好少人會打針，抗生素都少咗好多，以前傷風咳、發炎、喉嚨痛都係開抗生素，好多包藥，𠵱家啲人會怕食，知道有啲病食抗生素都無用。」
鍾子能在英國修讀醫科，喜歡社區工作，不介意每個症的收費只及其他專科的五分之一，每天面對十幾個「傷風咳」症，也不覺沉悶。「每個人行入嚟都係一個故事，有唔同背景，唔係個個都一樣。」正因為家庭醫學的訓練，令他能更全面了解病人的需要。
前年沙士爆發期間，一位物業管理公司高級經理因為睡不好、無緣無故哭鬧、無法集中精神，於是向鍾子能求診，「嗰時個巿好淡，好多商場舖頭啲租客同佢講減租，話生意好差，冷清清……佢係一個內心敏感嘅人，雖然件事唔關佢事，但係佢日日咁聽，都好唔開心。」
結果，鍾子能替病人找出病因，又給對方開抗抑鬱藥，病人不久就痊癒，「正因為咁，我覺得工作嘅挑戰性好大，變化好大，唔係淨係書本嘅嘢教得到。」
記者：張嘉雯
逢周一刊出