品店賣的不外乎糖水、果汁、布甸、西米撈，有埋即叫即做的班戟及梳乎厘，自然是平凡中的小驚喜，開在佐敦的新甜品店「甜在心」，要傳統糖水都可以給你吃到，但當我的士多啤梨汁喝到一半，諗住叫一件厚多士填填肚，這時老闆夏生說：「不如試件Chinese芝士多。」乜柴乜士話？佢笑口噬噬：「即係我特製嘅中式多士，你試吓咪知囉！」
記者：招佩珊
攝影：伍慶泉
人無我有腐乳當芝士
一輪試食，大家（包括記者），第一口就已經吃得出那陣腐乳味。講起腐乳，以為只用來撈飯、蘸羊肉或炒菜，塗多士？確實第一次吃到。老闆夏生說：「在一次朋友提起試過用腐乳塗麵包，味道都OK，正好我要為舖頭諗幾款新口味食物，一於用腐乳做多士！」不過，此腐乳醬鹹香中帶點甜，原來，這個醬是經過他多番調配試味，最後發現與奶油混合的味道最好，配上麥包就更加香。「人哋話腐乳係中國芝士，於是改名做Chinese芝士多，出面好少食到。」
饞嘴店主試出新口味
採訪中突然傳來陣陣怪味，鼻子話我知，肯定是榴槤味，Bingo！榴槤班戟及榴槤奶即叫即做，布甸亦落重料，無味才怪！這兒的甜品講求用料新鮮、即叫即做，例如果汁100%鮮榨不加糖水，當中亦有加入健康食品螺旋藻的甜品。本身是健康食品經銷商的夏生說：「自己鍾意食，特別係甜品，出面好難搵到完全啱口味，索性自己開店，賣的甜品都要健康啲。」於是，店內的甜品盡量少糖低脂；當日他便試以青蘋果來榨汁，給記者試味，發現比普通蘋果汁清甜，有少少酸好醒胃，預計會加入餐牌內，「哈哈哈，我就係鍾意樣樣都試吓，咁先至有新嘢嘛！」
Chinese芝士多$15
在近2吋厚的麥方包上，塗上一層混有奶油的腐乳醬，放入多士爐焗至醬香包脆；腐乳加麵包的質感，軟軟熟熟又幼滑，像吃花生醬多士一樣，不過腐乳比花生醬來得輕而軟，不像花生醬咁實，有點像吃軟身芝士，第一口覺得怪，食多兩、三口，鹹鹹香香，過癮！
螺旋藻榴槤奶$23（後）、螺旋藻奶凍$23（前）
淡綠色的半圓球奶凍，撒上碧綠色螺旋藻粉，一深一淺的色調配搭，單是賣相先加兩分，奶味偏淡，混有螺旋藻的奶凍有陣青草味，味道清新、特別。青綠色的榴槤奶，先嘗到榴槤味，然後有陣草腥味，店主說：「又臭又腥，正宗惹味！」
意式雪糕涼粉冰$26
店主嫌切粒的涼粉賣相普通，於是將大大嚿的涼粉加工變成像意粉般一條條，叉起一注一啖吞入肚，不加糖水，甜味來自兩球雪糕，半溶的雪糕令涼粉更香滑！
木糠布甸$28
原味與朱古力味餅碎，跟忌廉層層相隔，成了一層軟一層脆；幼細的餅碎跟忌廉一起放入口，立即溶掉並滲出朱古力味，口感滑溜不會過甜。
朱古力慕絲$28
一道不講賣相、全靠食味的甜品，用上法國Onyx朱古力做的慕絲，濃度高達70%，難怪濃濃的朱古力味中帶點苦，有點像吃黑朱古力，不過是軟滑版，朱古力迷定必愛上！
試食報告
甜在心
（27907777）
佐敦吳松街139號地下
營業時間：3:00pm-2:00am
座位：48個
