劉德華前晚在西安舉行中國巡迴演唱，重新打造大舞台，場內四萬多觀眾反應熱烈，連場外聚集免費聽歌的萬多人也情緒高漲。華仔今次無法遊兵馬俑，但得工作人員將他樣貌合成為兵馬俑將軍，令他十分開心。
劉德華前晚在西安演出其中國巡迴演唱會Part2的首站，吸引四萬多觀眾入場，就連場館外也滿布免費聽歌的群眾。華仔今次特斥資過百萬重建一個更宏偉的舞台。
欲罷不能走九地
華仔騎馬出場一幕，一個極大帥字旗隨風飄揚，煞是好看，華仔說：「我上年演出完後，要租個倉擺舞台啲嘢，比起我重新造一個更貴，諗落不如做過個，又可以將唔夠完善嘅地方搞到靚為止。」華仔又將頭髮剪短，演出時並加插一套新服飾登場，台下觀眾反應熱烈，華仔也唱得起勁，完騷後他還得坐警車離場。
華仔今次巡迴演出直到九月底，並會到九個地方，包括西安、無錫、鄭州、蕪湖、瀋陽、貴陽、臨淄、長沙及海寧，華仔笑言：「係欲罷不能，上年巡迴反應好好，但重有好多地方未去。」原來去年結束巡迴前，已有逾百主辦商開始聯絡華仔方面，欲找他演出，所以他今年繼續巡迴。
合成照片做將軍
華仔又說：「我第二次嚟西安演出，呢度啲觀眾好熱情，以前我去過兵馬俑出席活動，但今次冇機會去。」不過華仔的工作人員開騷前到兵馬俑，回酒店後給華仔看一張照片，相中的兵馬俑樣貌極像華仔，他看後驚奇不已。原來兵馬俑展覽館中的商店有幫遊客造像，以電腦合成照片，華仔說：「我呢個應該係將軍，唔係士兵啩？」
