新馬季定於九月四號開鑼，距今只有幾日，馬迷已在摩拳擦掌；而開鑼後兩日，馬壇亦有另一件盛事，就係「香港育馬會」會喺當日宣布創立，重請咗馬會前行政總裁韋敬誠將軍飛嚟主持。
將軍話，好高興育馬會委任佢做國際顧問委員會主席，養純種馬絕對唔易，既要時間又要耐性同專業知識，兼且要運氣，不過成功養出優質靚馬係人生快事。
講起將軍，幾令馬迷懷念。佢出掌馬會嗰十年（八六至九六），馬會重有「英皇御准」四個字行頭，馬會嘅地位好崇高，賽馬亦賽得好優雅，跑馬日黃泥涌道排滿人都唔會騷亂，更加唔會有人搶帽。
聽講，將軍最近返過香港，重去過馬會探班，有冇同夏佳理主席提吓意見就唔知。
傳真︰2623-9278
電郵︰[email protected]