司馬燕前日與荷蘭籍夫婿TogiGouw帶同兩名兒子Ian和Brian，到香港迪士尼樂園遊玩，六歲的Brian投訴香港迪士尼太細，機動遊戲選擇不及其他國家的迪士尼樂園多。司馬燕表示入場券是夫婿任職銀行的朋友送贈，她說：「兩個仔去過巴黎嘅迪士尼，對比起嚟嗰邊大啲，香港迪士尼周圍都排晒長龍，尤其餐廳搵食艱難，細路仔要等就冇耐性同冇癮。」
留美好回憶
而鍾慧冰和女兒林靜莉前日亦往迪士尼試玩，鍾慧冰說：「囡囡下星期就開學，我見朋友送飛畀我哋，咪趁佢開學前嚟玩吓，等佢暑假有個美好回憶。香港迪士尼雖然細啲，但小朋友都應該會鍾意嚟玩。」鄧健泓則於大前日與家人到迪士尼樂園耍樂。
此外，何超瓊昨日與超鳳、超蕸帶着幾名小朋友同遊迪士尼，一行八人拿着貴賓證四處遊玩，玩得十分開心。因昨日天氣炎熱，不少遊人都撐傘遮太陽，童心未泯的超瓊亦撐着一把米奇老鼠圖案的傘。
