煲呔真係愈嚟愈似搞政治，（佢係咪政治家就以後先知囉），咁講皆因佢竟然叫埋一眾問責高官，包括兩司六局同佢一齊當眾做「食淡水魚」騷，最無辜辜嘅係肥仔李華明，佢同八方講，去到現場先知俾人抬上上賓位置，煲呔重猛咁夾河鮮佢食，佢亦唔執輸，夾番畀煲呔。
話說上周五，周一嶽秘書來電，請佢周六中午一齊去食魚餐，當時佢睇吓個記事簿冇約，加上自己又係立法會食物安全及環境衞生委員會主席，當然要去以示支持，佢都有問邊個會同枱食魚，答案係副主席黃容根，點知一去到現場先知連特首、曾太、肥龍同唐唐等都嚟埋。
八方問佢啲魚如何？肥仔猛話「好好味，食晒。」
傳真︰2623-9278
電郵︰[email protected]