恒豐金主席林世榮喺零售界真係蹺王，佢嘅「金廁所」，對遊客嚟講應該吸引過灣仔朵金紫荊，最近佢又有新猷，就係賣金嘅《哈利波特》，重殺入內地市場。
去年底，恒豐金同華納簽咗兩年《哈利波特》第三同第四集嘅首飾、手表設計、產銷合約，喺中港澳三地銷售《哈利波特》卡通首飾同手表。
內地旅客想買《哈利波特》金飾，固然可以幫襯恒豐金，但若果只係買幾百蚊嘅手表精品，喺大陸都得，因為噚日恒豐金同簡稱中圖嘅中國圖書進出口總公司簽訂合作協議，下個月就可以喺中圖嘅門市買到《哈利波特》精品，例如新華書店、外文書店、網絡書店等等，泊到個咁大嘅網絡，林世榮確係有諗頭。
傳真︰2623-9278
電郵︰[email protected]