腹大便便的林雅詩，昨日由夫婿溫文英接載出外時，座駕被不明物件擊中，導致車頭玻璃碎裂，加上前日林雅詩夫婿在深圳疑遭迷魂黨偷去五千多元現金和信用卡，真可謂禍不單行。
懷有七個多月身孕的林雅詩，昨日下午五時許偕夫婿溫文英由清水灣寓所往九龍時，遇上交通意外。當時溫文英正駕駛其寶馬房車載林雅詩出外，途經清水灣舊路時，疑突然有一塊不明物件由前面的電單車飛出，並擊中寶馬的擋風玻璃導致碎裂，幸林雅詩只是受了點驚嚇，她與胎兒及夫婿均平安無恙。
截停對方
溫文英昨日接受訪問時，聲稱電單車飛出的不明物件打中他們的車頭玻璃，其後他將電單車司機截停，要求對方賠償，但被拒絕。溫文英說：「對方唔認有咁嘅事，所以我哋惟有報警處理。其實我冇諗住叫佢賠，如果佢肯道歉，我都諗住就咁算數，點知對方咁不負責任，我哋先至搞到報警啫。」
而溫文英前日到深圳公幹時，更不幸遇上迷魂黨，溫文英說：「我同一個香港人、兩個內地人喺深圳一間酒樓等緊邊防紙，其間有人拉我埋一邊傾嘢，我返埋位之後飲咗杯茶，突然覺得好暈，喺我半昏迷之時，有人問我攞信用卡，又問我信用卡密碼，但我冇講畀對方知，跟住我就不省人事。
奶奶還神
「大概三個鐘頭之後，我發現我喺嗰間酒樓嘅ＶＩＰ房度，身上五千幾蚊、七張信用卡同手提電話唔見咗，於是我行去火車站問人借電話打畀太太，叫佢第一時間cut晒啲卡，然後坐火車返香港，喺旺角警署報案，啲差人話我有命返香港真係算好好彩。」
而腹大便便的林雅詩則說：「呢兩日真係好黑，心情好驚，但總算係不幸中嘅大幸，奶奶已經即刻走去還神。」
採訪：朱倬誼
攝影：娛樂突發組
