幾個大型新盤，揀埋差唔多時間開賣，地產代理個個盤都要幫手造勢，認真唔得閒。將軍澳都會駅，剛剛攞到售樓紙，發展商長實郭子威嗱嗱聲搵中原搞簡報，傳授銷售秘笈。 中原派出東九龍、九龍豪宅、西九龍與將軍澳區主管到場，唔少得董事劉瑛琳與執董陳永傑啦。中記重帶埋道具上長實總部，搵埋威哥郭子威一齊打鑼，寓意中記銷售成績勝同行。