蔡卓妍（阿Sa）和關智斌（Kenny）昨日出席在沙田體育學院舉行的「2005麥當勞青少年足球推廣」活動，主辦單位邀請了兩人跟二千零五位小童齊齊舉行千人盤球創舉，阿Sa和Kenny陪在麥當勞叔叔旁邊做出多個盤球動作。
阿Sa表演控球時姿勢有板有眼，原來她自小已跟爸爸踢波，練得一身好功夫，阿Sa說：「以前我跟住爸爸踢鴨聯（鴨脷洲聯盟），我重同和仔（李健和）影過合照㗎，細個時都有諗過參加女子足球。」而Kenny雖然自稱曾參加足球學會，但球技頗為水皮，控球時經常失手，動作生硬。
抽空探賢仔
此外，Twins已捐五萬元給日前被斬傷的賢仔，阿Sa稍後還會與鍾欣桐（阿嬌）商量探望賢仔，阿Sa說：「雖然唔知件事點樣，但大人嘅事唔應該放喺小朋友身上，應該多啲時間關心小朋友。」
採訪、攝影：卓寶花
