何韻詩下月十六號舉行七場音樂劇《梁祝．下世傳奇》，門票公開發售唔夠一個禮拜已經賣晒，不過就發現有人將門票放喺網上拍賣。原來阿詩留起咗頭場最佳位置嘅飛，打算送畀慈善團體，𠵱家見歌迷渴飛，所以將二百九十蚊嘅門票放喺網上公開訂購，一律五百蚊，買兩張飛重送海報一張，收益撥捐兒童癌病基金。