吳卓羲和沈殿霞（肥姐）愛女鄭欣宜前晚演出無綫《兒歌金曲頒獎典禮2005》，扮演公主的欣宜親吻王子吳卓羲後，吳卓羲即發台瘟，要稍為定神後才可繼續演出。
容祖兒、吳卓羲、沈殿霞及女兒鄭欣宜等，前晚在無綫將軍澳電視廣播城演出《兒歌金曲頒獎典禮2005》。欣宜和吳卓羲在歌舞劇中分別扮演公主和王子，欣宜親吻吳卓羲的臉頰後，吳卓羲即發台瘟，要定一定神才繼續講台詞，吳卓羲對此說：「我唔係發呆，我係好冧，因為公主錫王子嘛！」
大讚拍檔唱得又跳得
事後問吳卓羲是否因為肥姐監場，所以緊張到失準？他說：「唔係，係因為跳完舞緊接唱歌，所以未回到氣，我講台詞時咁啱吞咗啖口水。肥姐嚟陪欣宜啫，我唔係佢哋欽點做呢個節目，我之前被委任做『兒歌大使』。」
問吳卓羲被欣宜錫面有何感覺？他說：「其實欣宜俾個咪阻住，錫唔到我塊面，我份人比較怕醜，之前都知佢會錫我，大家排咗好多次。」吳卓羲與欣宜合作，覺得她如何？他說：「佢又唱得又跳得。」
肥姐：咪當我咁古老
由於吳卓羲指欣宜沒真正錫到他的臉，記者在後台要求欣宜再錫吳卓羲讓記者拍照，吳卓羲即尷尬地說：「問吓肥姐肯唔肯先！」肥姐聽後即說：「梗係得啦，擺甫士咋嘛，唔好當我咁古老。」欣宜覺得自己前晚表現值七十七點五分，她說：「我嫌未夠放。」
採訪：胡比 攝影：葉君海
