港澳辦副主任陳佐洱日前突然喺政府總部現身，俾在場採訪其他新聞嘅記者撞到正，各界紛紛猜測陳佐洱此行所為何事，一般估計與下月國家副主席曾慶紅訪港有關，港府就輕描淡寫話只係正常工作交流，其實董落曾上之後，香港已進入「共管時代」，由北京同特區共管，（亦可以話係共產黨話事），京官來港有幾奇？
事實上京官要收風，根本唔使親自南下，據知今年初陳佐洱曾召見一批本地傳媒人，京官開聲，有關人士自然唔敢怠慢即刻按指示而行，至於呢班傳媒中人喺京官面前大鳴大放定係唯唯諾諾，相信各人心中有數。由此可見京官安坐北京都可以收足料，唔使學似自由行咁舟車勞頓，陳此行相信係為曾副主席開路啫。
傳真︰2623-9278
電郵︰[email protected]