狄娜前晚去港台接受高志森（左）同周融訪問，節目中狄娜透露有意出書，同時亦有唔少人建議佢寫專欄，但係佢擔心唔知讀者有冇興趣，佢諗過如果要寫，每次會寫自己一個經歷，例如破產前考慮嘅問題，又或者係點解要拍《大軍閥》。其實狄娜重有一個目標，係希望可以鼓勵時下年輕人面對困難同逆境都可以好開心。