傅明憲、江欣慈、陳啟泰和張崇基昨日到旺角為香港愛護動物協會推廣「負責任養寵物之道」訊息，傅明憲和江欣慈更帶同心愛寵物到場。
早前傅明憲的愛犬「綠茶」因病逝世，令她清減了不少，昨日她和十三歲的愛犬「孟波」到場，她表示孟波和綠茶年紀相若，傅明憲說：「其實孟波個腦都有個腫瘤，不過醫生話唔刺激佢就冇乜大問題。之前綠茶有事時，自己將太多注意力放喺綠茶身上，𠵱家就要作出補償，好彩啲狗專家話狗係視生死為循環，所以綠茶離開時，孟波都冇唔開心，佢哋睇得重化過人呢。」
視如己出
而家中飼養了三隻貓的江欣慈，一向都視牠們為仔女，她笑說：「貓好有靈性，自己都可以發揮到母愛同耐性，我重成日同佢哋傾偈㖭。」
採訪、攝影：駱華齡