許志安與曾傳緋聞的內地歌手韓紅昨晚在黃竹坑香港仔運動場為《太陽計劃2005閉幕——南區永不放棄太陽夜》擔任主禮嘉賓，打頭陣合唱《希望在人間》，唱至中途，安仔突然搭着韓紅肩膊，並肩走到台前，表現一臉深情，觀眾看得大拍手掌。
之後安仔護着韓紅落台，二人一同接受訪問，安仔風騷地提到早前與韓紅當街接吻一事說：「使唔使錫多次你睇？乾定濕？但我今日已經濕晒！」韓紅透露曾到安仔家探望許父，又大讚安仔對身邊人很好，問韓紅對緋聞有否不快？她說：「都開心，冇所謂。」安仔見韓紅滿頭大汗，還主動遞紙巾給她，十分體貼。
「唔好玩我契妹」
而昨日綵排時，韓紅唱歌甩嘴，安仔即起飛腳作狀踢她，如情侶般打情罵俏。事後韓紅表示與安仔合唱不怕緋聞，她說：「沒問題，不尷尬！」話未說完，韓紅即被工作人員拉走。
安仔則說：「佢係我契妹，我哋上年識，今年上契，佢重跪地做上契儀式，佢細個我嘛，否則我咪係契弟？」安仔自爆與韓紅唱K相識，問他可會與韓紅發展兄妹戀？他說：「唔會，冇可能，吸引唔到就吸引唔到。」
問安仔與鄭秀文復合的傳言，他說：「單身雙身都好，總之唔好玩我契妹。」
採訪：李珮洳、駱華齡
攝影：林德雄
