周麗淇（Niki）自從進軍歌手行列後，是非新聞接踵而來，近日她和關心妍不和的傳聞就甚囂塵上，昨日有周刊更封面報道自從Niki加盟BMA後，關心妍的工作隨即減少，一姐地位危危乎，被Niki趕絕的關心妍接受訪問時更哭訴不夠Niki犀利，似乎兩人不和之說並不是傳聞般簡單。
成為全場焦點
Niki昨日聯同鄧麗欣和劉浩龍到尖沙嘴出席網站宣傳活動，Niki自然成為全場焦點，對於關心妍在周刊訪問時哭訴，Niki即表示因為未睇過有關報道，所以未能回應，不過她就強調同關心妍並沒有不和，至於關心妍遲遲未能出碟，Niki就說：「之前我話叫佢等吓，大家誤會咗個意思，我嘅意思係叫佢啲歌迷耐心啲等吓，自己都唔知個結果會變成咁。」
不過當問到會否致電給關心妍時，Niki就避談說：「最近大家都好忙，連屋企人都冇時間見，雖然大家喺同一間公司，但都好少見面，其實大家見到面都有傾偈，但唔會刻意囉。」