譚詠麟（阿倫）前晚在紅館舉行第二場個唱，請來好友、內地歌手韓紅擔任嘉賓。韓紅上台後，表示香港觀眾對她可能不太認識，阿倫即以她跟許志安的緋聞來借題發揮：「唔係，好多香港人都識你，尤其係上次你喺香港同安仔個聚會呢……。」
有親親冇咀咀
韓紅解釋說：「我跟安仔其實是好朋友，不是外傳這樣，我叫他做哥哥。」阿倫笑問：「你叫安仔做哥哥，咁叫我做咩？」韓紅反應甚快的說：「爸爸！」阿倫即笑到跌倒地上。此外，韓紅又指現於內地拍劇的安仔託她問候阿倫，又指稍後會跟安仔合作出碟。最後韓紅跟阿倫擁抱親面後，便返回後台。事後阿倫笑道：「我同韓紅有親親、但冇咀咀！」
此外，阿倫前晚的個唱足足唱到凌晨十二時許才結束，被紅館罰款接近十多萬。