黎明與李嘉欣曾傳緋聞，但二人常以好友相稱，近日嘉欣介入龐維仁的婚姻，戀情打得火熱，黎明一於力撐到底，對於嘉欣被指第三者，黎明表示沒所謂，並叫嘉欣喜歡就去做，因為愛情不分對與錯。
黎明前晚率領何韻詩、衞蘭及應昌佑等一班師弟妹於九展舉行《CEO醉有情音樂巡迴演》，提到李嘉欣與龐維仁的戀情，黎明力撐嘉欣，還直言做第三者都不打緊，因為愛情沒分對與錯。
「只要唔傷害人」
近日在日本拍攝新戲《情義兩心知》，把頭髮染成金色、又曬得一身黝黑的黎明，被問到李嘉欣與龐維仁相戀時，即表示近日沒有閱報，故不清楚有關戀聞，但當記者告知嘉欣被指是第三者，介入龐維仁的婚姻時，黎明即滔滔不絕說：「做第三、四、五、六、七、八、九者都得，冇所謂，呢個世界上愛情就係咁，鍾意做乜就做乜，只要唔傷害人，又對得住自己就OK，炒作新聞嘅嘢係冇得理會㗎。」
爭取心中所想
黎明繼續發表他的看法，他謂：「每個人都為自己想要嘅嘢去爭取，為咗人工、鍾意嘅人，為咗失去嘅感情，呢啲嘢問完自己先決定點去做，問自己值唔值得先，唔值得就離開，或者向前行，自己決定啦。愛情係咁㗎，冇話對與錯㗎，否則呢個世界點會有咁多人結婚又離婚，愛係會走㗎，有新吸引力就向住道白光走囉，新聞只係娛樂嘅pointofview啫。」
問到嘉欣有否找他傾談感情事，黎明說：「冇時間傾呢啲無謂嘢，對我嚟講係無謂。」之前曾有傳黎明與嘉欣復合，黎明沒好氣道：「冇新聞搵嚟攝吓位啫。」至於嘉欣稍後將與池珍熙合作，還表示有意找黎明教她韓文，黎明即謂會介紹老師給嘉欣。
眼淚收放自如
此外，何韻詩透露近日忙於綵排舞台劇，她說：「我個角色好慘，我排得多搞到𠵱家好小事都喊，對稿又喊，個人好敏感，我重學識含住泡眼淚，然後就收，犀利到可以上節目《殘酷一叮》。」
阿詩又謂導演指她不夠愛對手周國賢，她說：「可能做完騷後，周國賢會愛上我，但我唔想搞到人家破人亡喎。」
採訪：王連連 攝影：葉君海
