上星期跟旅行團去台北吃喝玩樂。
在蒸氣瀰漫的「士林夜市」大汗叠細汗地吃着鐵板燒，未吃完已經要走人出外透透氣。
到「野柳國家奇石公園」逛逛，天氣不熱了，因為忽然下了場無厘頭大雨，行個圈，影幅相立即走人避雨，到現在我還未知道哪塊是無人不曉的「女王頭」石頭。
夜晚消夜去吃「阿宗麵線」，排了長長的隊，吃着短短的麵線，本來有風味，可惜之前坐的旅遊巴，為了避開像香港一樣的超級交通大塞車，行了一個鐘頭的山路，我就被逼玩了一個鐘頭的過山車，黃膽水也差點嘔出來，還風甚麼味。
去了有台灣迪士尼之稱的「六福村主題樂園」，我最不喜歡搵自己心臟笨，所以我沒有玩接近垂直升降的超激機動遊戲「笑傲飛鷹」，一心想探望一下在香港沒有得看的野生動物，黑黑的猩猩，在黑黑的夜晚，在環保到極燈火奇弱黑黑的公園裏，我想，都是回酒店吧。
其中一個行程是總統府，是坐旅遊巴途經總統府。
今次旅行最令我印象深刻的是導遊。原因一，她是一名曾在香港讀書所以廣東話非常之正，而且是潮潮哋熱情無比的靚女導遊。原因二，她的高姿態態度令我不得不寫個服字。
「一陣去嘅地方係推廣台灣珍珠嘅，我知道大家諗乜嘢。有，我肯定咁講，如果你買嘢，我係有commission嘅；呢啲係我應得㗎嘛，我企咁耐，咁用心為你哋講解，呢啲係我嘅報酬。不過，就算你唔買，你都要去睇，旅行當然乜都要睇，認識當地文化嘛。你如果買嘢，即係你認同我哋台灣嘅產品，我好開心；你唔買，但係你正視佢，我一樣咁開心。」
從來沒有見過那樣收放自如的導遊，好，我認同你們台灣的產品。