大潭玫瑰園一號大屋，啱啱以七千四百萬易手，間屋三千九百八十呎，呎價一萬八千六百，原業主係英資基金GrosvenorLand，○一年以一億二千七百萬，向印尼財團買入三間玫瑰園洋房，其中兩間喺去年初分別以六千三百萬同六千八百萬沽出，啱啱賣埋最後一間，呎價愈賣愈貴，最新造價已重返九七年高峯期開售價。三間屋共套現超過兩億，升值逾六成，賺七千八百萬。
玫瑰園係南區貴價洋房，過去或現任名人業主包括恒生銀行前副董事長兼行政總裁歐肇基、俊文珠寶董事陳浩江，有「地產界女強人」之稱嘅胡幗英等。
電郵地址：[email protected]