香港迪士尼樂園下個月開幕，為酒店業提供黃金商機。長實喺紅磡新起嘅兩間酒店，海灣軒同埋海韻軒，都準備短期內預租，配合呢個檔期。酒店示範單位同諮詢處設喺附近嘅國際都會商場，工程已經完成。蘭西噚日經過，見到諮詢處外圍嘅宣傳板已經整好，透露咗唔少資料，寫住提供六百呎兩房兩廳單位，重有一至十八個月嘅月租計劃，不過最低月租價錢就用紅紙封住。聽講再過一兩個禮拜，就會揭盅。