滿口流利英語的梁靖琪（Toby），最近擔任國際音樂劇《仙樂飄飄處處聞》的宣傳大使，日前樂團到港，Toby一盡地主之誼，先帶他們到香港仔的酒樓品嘗中式點心，然後帶部份團員到銅鑼灣、旺角和赤柱等地瘋狂購物，還到黃大仙廟拜神。
無緣演《孤星淚》
在酒樓用膳期間，Toby忙於介紹每道點心的名稱及材料，又教小團員使用筷子，她說：「我好鍾意小朋友，雖然今日我哋第一次見面，但係都傾得好開心，可能外國人隨和啲，加上小朋友容易捉摸。」其後Toby又與小團員坐在仿製的龍椅上玩「猜皇帝」，逗得小團員滿心歡喜。
Toby說：「呢次我做個劇嘅宣傳大使，會去好多學校唱歌。我對音樂劇好有興趣，讀書時有機會參加《孤星淚》試音，但係佢哋要求高，除咗聲要靚之外，服裝又要啱尺碼，好似搵灰姑娘咁，但係啲衫就得一個碼，最後因為我太高同太肥，所以冇得做，無理由要肥妹仔扮乞衣啫！」
採訪、攝影：王連連
