響古巨基嘅熱播歌《天才與白痴》裏面，女主角呃到基仔氹氹轉；聰明嘅基仔為咗愛情，竟然欣然做愛情白癡！純粹情歌一首，卻令唔少人感觸良多，皆因我哋身邊唔少呃人高手同戀愛白癡。其中一個，會唔會係你？
文：Justin（[email protected]）
攝影：陳陶鈞
1.細個嘅時候，已經好多人鍾意你，你亦好鍾意蝦其他細路，甚至利用成年人。
□ 是 □ 否
2.你認為大家相處時，為咗避免小麻煩，講個大話，根本係一件小事。
□ 是 □ 否
3.你認為擦重要人物對鞋，係一個精明行動。
□ 是 □ 否
4.你認為大多數成功人士都係過住乾淨而又誠實嘅生活。
□ 是 □ 否
5.你內心經常有個念頭，「呢個世界上，每分鐘都多一個笨蛋出世，所以響我身邊嘅人，都係白癡。」
□ 是 □ 否
6.你認為響殘酷嘅世界裏面，英雄莫問出處，不道德行為都可以被成就遮蓋得密不透風。
□ 是 □ 否
7.你認為響呢個社會，根本唔可能遵守所有道德規則、社會法則，而出人頭地。
□ 是 □ 否
8.你認為大多數嘅人，都係好勇敢。
□ 是 □ 否
9.你認為犯法嘅人同其他人最大嘅區別，係唔夠醒目，俾警察捉到。
□ 是 □ 否
10.你認為行事必須有利益，如果無着數，不如留番啖氣暖肚。
□ 是 □ 否
愛情得分
依計分表查知得分，再將分數相加，就係你嘅底牌。
成績
3分或以下：情路小羔羊
你完全係全天候120%受騙型，惟有講句：「你係一個好好嘅老實人！」有時候，你會因為太順從人，唔能夠堅持自己觀點，成為被人打主意嘅目標。
4-6分：戀愛學神
你嘅呃人能力一般；你有呃人嘅動機，不過有時因為社會規條、道德良心而放棄，有時被人呃嘅成數重高。想做情場高手？重有排學！
7分或以上：若即若離大滾友
無論響情場或商場，你呃人、𠱁人嘅能力，已經係高手中嘅高手。你有自己嘅一套，唔受傳統規條限制。有時你會好冷淡，同其他人好疏離，因為你只係將其他人當做一件工具，只顧自己嘅快樂。
天使密碼
感到精神散渙或難以集中精神？試試吃一條香蕉吧，它含有豐富的鉀，有助集中精神和心情愉快。小貼士：身體虛寒者，宜在日間食用，不宜在晚間食用。