香港成日俾人話係文化沙漠，但噚日一間名為「抱趣堂」嘅藝術廊就喺尖沙嘴洲際酒店商場正式開幕，可以話係本港文化藝術又一清泉嘅誕生。連新世界發展主席鄭裕彤都到場擔任主禮嘉賓，主持揭幕禮。不少名人，好似何鴻燊、霍震寰、劉鑾雄同蔡志明咁，都有送花籃嚟祝賀。不過盛傳係彤叔嘅「紅顏知己」鄺美雲，就因為唔喺香港，並無應邀出席。
原來間畫廊係彤叔個仔鄭家純開設嘅，唔怪得咁多名流畀面到場啦。鄭家純話香港過去缺乏文物古迹嘅交易平台，希望今次搞呢間畫廊可以締造一個專業同公平嘅藝術商業平台，成為藝術家同收藏家嘅天地。對於早前有報道話彤叔身體抱恙入院，彤叔噚日就顯得精神奕奕，話自己龍精虎猛，之前雖然打高爾夫球整親隻手，但都冇事嘞。
傳真︰2623-9278
電郵︰[email protected]