譚詠麟（阿倫）在紅館舉行一連十場的「譚詠麟歌者戀歌濃情三十年演唱會」，昨晚正式開鑼，全場爆滿，首場請得劉德華任表演嘉賓。
阿倫昨晚於八時二十分開騷，他一身金色恤衫西褲，配拖地長褸亮相，甫出場即獻唱《Houseoftherisingsun》，他說：「幾十年前，我就憑呢首歌參加音樂比賽，得咗冠軍。每個人都有願望，有啲人想做醫生、律師同做生意，我願望就做皇帝，但𠵱家冇得做，我就揀唱歌，唱足幾十年，有啲人質疑我係咪二十五歲。」之後阿倫又重提徐小鳳要看他身份證的事，他說：「畀我大過佢重得了？咪要叫佢小鳳妹？」
阿倫開騷心情十分好，還主動提到兒子，當有歌迷送禮給他，又要求阿倫摸身邊小朋友時，阿倫對小朋友說：「你叫乜名呀？應該唔會叫做譚曉峰呀？」阿倫母親、胞妹與妹夫及一班親戚昨晚都有到場打氣。
採訪：王連連 攝影：仇志德