香港地人口稠密，居所難得多些少空間，住頂樓可以多個天台使吓，所以特別受歡迎，身價自然高啲。
利嘉閣周滿傑話，上個月有二百七十四宗連天台住宅買賣登記，最貴係中半山嘉慧園十二G，三千五百萬，最平係元朗祥降圍三十一號二樓，只須二十六萬五，同樣住尊貴嘅penthouse，成本唔使前者的百分一。
至於元朗橫台山永寧里二四九號二樓，造價六十一萬八，業主三個月賺二十六萬五，即七成半。原來新界區零舍多連天台盤，要搵最好入新界。
佢話，七月登記宗數比六月減少一成，總值五億二千七百萬，比六月少近一成八。呢類盤一向甚少，叫價比分層高兩成或以上，樓市靜時，唔少人嫌貴而卻步。不過，市場逐步消化負面因素後，相信今個月交投可望增加一成。
電郵地址：[email protected]