無綫將於下月在馬來西亞舉行類似《熱帶雨林狂奔》的挑戰體能遊戲，暫名《神山特輯》，作為今年台慶特備節目之一。有份參賽的陳鍵鋒近日頻頻健身，希望以最佳狀態出戰。
陳鍵鋒、李詩韻、陳松伶、司徒瑞祈和香港先生高鈞賢等，近日獲無綫挑選參與下月在大馬舉行的《神山特輯》台慶特備節目。陳鍵鋒去年遇車禍弄傷背脊後，已甚少做運動，為免到時體力不支，他近日積極做運動，希望屆時以最佳狀態示人。
舊患瘀血未清
陳鍵鋒說：「我知道今次係去馬來西亞嘅熱帶雨林，機會真係好難得，一生人都唔知有冇機會去呢啲地方，真係好興奮。講到體力，其實一向我都OK，不過，去年車禍後，我已經好少做運動。」陳鍵鋒續說：「上星期睇中醫，醫生摸到我重有啲瘀血，開咗啲藥畀我食，又針灸同做推拿。醫生話我冇做一排運動，搞到肌肉有啲鬆，由於肌肉要緊番啲先至可以保護到啲骨，所以無論點都好，都應該做番運動，當然唔係太劇烈嗰種啦！」
下月整裝待發
過往陳鍵鋒無論工作幾忙，每星期都會有五日做運動，包括跑步、舉重和做gym，他說：「醫生話除咗舉重嘢同劇烈活動外，其他輕巧嘅運動都可以做，下個月去大馬，絕對應付得嚟。雖然預計到今次十幾日嘅行程會幾辛苦，為咗開眼界，我點都要keepfit做好準備！」
採訪：戴彩煥 攝影：何榮亮
