莫文蔚（Karen）日前到日本箱根拍攝全新一輯護膚品廣告，Karen除要被淋人造雨以及在彈床上濕身跳躍數小時之外，更要露出香肩浸溫泉達十個小時，但一向享受溫泉樂的Karen毫無怨言，並指能夠寓工作於娛樂，十分享受。
莫文蔚應邀為護膚品牌SK-II擔任全新「水凝啫喱面膜」的大中華區代言人，日前她更遠赴日本箱根拍攝全新一輯電視及硬照廣告。Karen在廣告中演繹盡情享受輕鬆時間的都市職業女性，分別在園景下浸spa、淋雨兼做出跳躍等動作。
邊浸邊護膚
今次的廣告雖然拍攝辛苦，其中浸Spa的鏡頭更要在溫泉連續浸十個小時，但能夠一邊工作一邊浸Spa，Karen卻表現出一副甚為享受的樣子，她說：「我本身已經好鍾意浸浴，能夠喺溫泉盡情享受十個鐘嘅spa浴，相信已經將我未來一年嘅spaquota一次過用清。不過喺一邊做嘢之餘又可一邊護膚，令我加倍relax同投入，可以滿足我最近冇時間浸spa嘅慾望，又可以趁住呢個機會大肆relax一番。」
盼極地一遊
除了喜歡浸spa舒緩壓力，Karen更喜歡旅行充電，一說到旅行她更是滔滔不絕，並談到Karen的夢想國，她說：「除了工作以外，我所到嘅每一個地方都係為咗減壓而去嘅，能夠令我樂而忘返嘅就只有人靚景靚嘅意大利。」
Karen更透露了一個關於旅遊的小心願，她說：「雖然世界各地我已經差不多遊歷過，不過我有生之年都好想去到北極或者南極一行，希望喺享受嘅同時亦可體會大自然嘅奧妙。」
