Terrence笑說，「起初都有當自己去旅行，但好快就知道呢份工係要令團友開心，責任實在好大。要令大家全程無憂無慮玩得投入，做領隊真係要識搞氣氛。記得有次冬天去北京，團中有對情侶，原來男方準備向女方求婚，但女方要求旅程要見到雪、聖誕老人和鹿才肯應承，果然天公作美，第二日真係落起雪來；至於之後的兩樣要求，我就同成班團友一齊去商場，因為嗰度有聖誕老人和鹿嘅布置，成班團友就不斷叫個女仔應承，個女仔好感動呀，最後當然應承咗啦。我嗰晚重預備埋一束鮮花叫個男仔送畀未婚妻㖭！」
記者：李莉
攝影：陳智良
Terrence醒醒你：坐飛機易有高山反應
Terrence現主力帶長線中國團，如西藏絲路九寨溝等。去高山地帶，最怕有高山反應。Terrence話十個基本九個會有少少，但好輕微，只要將動作放慢就無問題。另外，長途車雖然辛苦，但坐車可以慢慢適應高度變化，坐飛機即刻由低去到高，有高山反應的機會亦高好多。