平治C-Class車系在港銷情一直不俗，代理亦乘勢推出C230Classic的SportVersion特別版，跟原有版本好唔同，因為新車除加有原廠SportPackage外，原有一台1.8公升直4Supercharger引擎（馬力197匹），亦早已換來全新2.5公升V6（204匹），再不需忍受舊引擎高轉時帶來的噪音，而換來更寧靜的車廂環境，𠵱家揸車坐車都係一種享受啦！
記者、攝影：陳偉林
ImageGirl：Algie
跑車化避震帶出快感
本地的中價歐洲轎車市場競爭激烈，有關代理商不時要費盡心思，包裝出不同的特別版本以刺激汽車銷量。最近，平治代理可能係食髓知味，又在C-Class車系當中再度推出全新一款C230Classic的SportVersion特別版。
部車除換裝有一台高達204匹的全新2.5公升V6引擎外，代理還加送有全套原廠SportPackage包圍，還有調硬了的跑車化避震、前輪鑽孔透氣煞車碟以及17吋新款跑車合金胎軨，令部車看來唔止夠揚眼，跑起來更帶出風一般快感。
不受Supercharger噪音騷擾
樣靚之餘，筆者最欣賞部車，就係引擎部份，新加入的2.5公升V6引擎，撇除馬力輸出有更高數字，引擎本身運轉起來亦見得寧靜暢順，低、中轉扭力表現較舊版有力，加速力亦較原有型號有過之而無不及。
當日試車，筆者載同Model等合共三人，從港島東區直上山頂，駛經蜿蜒多彎的路面，引擎動力表現源源不絕，而四輪跑車化懸掛以及追加的透氣鑽孔碟同4卡鉗制動器組合，走彎循迹力可謂收放自如，難得沿路唔再有Supercharger引擎的高噪音滋擾！再者，新車一套7前速7G-TRONIC半自動波箱，轉檔的順滑性亦較原有5前速半自動波箱更勝一籌！
仿桶椅下裝防滑腳踏
早前，Facelifted過後的C-Class車系，車廂鋪排變得成熟吸引，還帶出濃厚的轎跑車味道，而這輛特別版更追加有前排仿桶形透氣椅以及全方位電控，夠晒貼服同有承托力，還有防滑腳踏組合，配套可謂直迫跑車意念。然而，講求享受有如左右獨立Thermatic恒溫冷氣、高級CD音響同免提電話裝置外，新版重追加有Speedtronic定速巡航，以及尾玻璃電動簾組合，給人有動靜皆宜的雙面睇享受。
駕駛席表板取自E-Class
Mercedes-BenzC230Classic-SportVersionSpecifications
引擎： 2496ccV6DOHC
馬力： 204ps/6100rpm
扭力： 25.0kgm/2900-5500rpm
傳動： 7前速7G-TRONIC半自動波，後輪驅動
懸掛： （前）麥花臣支柱（後）多連桿
制動： （前）透氣碟（後）碟式（ABS）
輪胎： 245/40R17ContinentalSportContact2
尺碼： 4526×1728×1426mm
軸距： 2715mm；車重：1530kg
0-100公里：8.9秒；極速：238km/h
平均耗油：9.3-9.6L/100km
車輛提供：仁孚行（28957339）
新車售價：$398,000（標準版）
同級房轎精選
奧迪A42.0TFSIS-line
點睇：與這部C230一樣加入有原廠全車包圍作招徠，氣派突出，以一台2.0公升直4Turbo引擎（馬力200匹）主打，乘坐感舒適豪邁。
車價：$407,000
寶馬325iA
點睇：用上2.5公升直6引擎（馬力218匹），性能及其操控表現突出，同樣演繹有一份具勁度及靈巧性，車廂配套齊全。
車價：$438,000
富豪S40T5
點睇：代理早前加送有全套原廠SportPackage，令這部高性能轎跑車變得剛勁具吸引力，裝有2.5公升直5Turbo引擎(馬力220匹)，車價同級最平。
車價：$339,900
