鄧穎芝街頭勁舞甩頭皮 驚

鄧穎芝街頭勁舞甩頭皮 驚

鄧穎芝、麥浚龍(Juno)和陳苑淇昨日到尖沙嘴出席hiphop比賽活動,身為嘉賓的Juno大唱勁歌及表演hiphop舞,而鄧穎芝雖然是評判,但亦應主持要求,即場表演霹靂舞露兩手。

「媽咪冇阻止」

鄧穎芝表示以往在街頭跳舞時,起初母親不大贊成,她說:「之後我叫阿媽嚟睇我跳舞,佢覺得唔係壞事,所以就冇阻止我。」她又透露曾練習一招將頭頂在地上不停自轉,鄧穎芝說:「後來我發覺呢招搞到我甩頭髮,同甩咗一塊好大嘅頭皮,之後唔敢再練。」
另外,Juno表示早前在家中洗澡時,竟不小心踩到一條蜈蚣,嚇得他不知所措,Juno說:「可能我沖涼時一早開咗熱水,我發現佢嘅時候,佢已經死咗。」提到蜈蚣是不好兆頭,Juno說:「咁就唔知喎,我都冇嘢呀。」
採訪:楊潔雯
攝影:陳慧安

參賽者在比賽中大跳hiphop舞,有姿勢有實際。

Juno在台上表演拿手的舞步,台下fans看得如癡如醉。