施念慈撰寫的小說《戀之奇蹟》推出不夠一個月便再版，對兩年沒出小說的她，無疑是打了一支強心針，施念慈日前說：「之前我都擔心咁耐冇出書，啲讀者會走晒，𠵱家咁快可以再版真係好好彩，亦好開心，證明啲讀者仍然捧我場。」
學做好命女人
上周施念慈去了台灣旅行，必逛地點當然是誠品書店，她說：「我買咗成箱書返香港，台灣有好多香港冇嘅書，我鍾意睇散文，有啲書教人點做壞女人、幸福女人同埋好命女人，畀我揀梗係做好命女人啦。」問施念慈台灣之行可有豔遇？她說：「豔遇就冇，但係去消遣時就撞到好多香港朋友，原來好多香港人鍾意weekend去台灣玩兩日，成間pub都係香港人。」
採訪：張止寒 攝影：仇志中