出爐港姐冠軍葉翠翠曾被周刊指懷疑整容，更遭友人致電報館大爆她就讀理工時與男同學同居，還有報道指她在港姐決賽中得分低但照攞冠軍，負面新聞多不勝數。本報記者昨日走訪葉翠翠母校理工大學，曾教過她的吳文正教授獨排眾議，大讚葉翠翠是成績優異好學生。
應屆香港小姐冠軍葉翠翠自參選至今負面新聞不斷，參選期間被周刊指懷疑整容，之後又爆出其任職消防教官的父親任教期間，曾有學員意外逝世，葉父因此接受調查等等，當選後更遭友人致電報館爆料，指她大學時期曾與男同學在旺角同居，更向友人揚言獲所屬模特兒公司承諾，參選港姐必入三甲。
葉翠翠○二年至○五年在理工大學就讀紡織及製衣學系，主修時裝設計，本報記者昨日特地走訪葉翠翠的母校理工大學，發現學校七樓教職員室的走廊上，就掛着一幅葉翠翠在○四年畢業作品展中擔任模特兒的巨型照片，驟眼看來，當時的葉翠翠竟然與名模樂基兒有幾分相似。
設計晚裝
畢業作親手縫珠片
一名曾經教過葉翠翠的吳文正教授昨日表示對她有印象，更大讚葉翠翠是一名好學生，他說：「佢嘅畢業功課係設計三套晚裝，佢用咗一隻喺巢裏面嘅蛋孵化成天鵝作為主題，設計咗三套粉色系列嘅晚裝，晚裝上面嘅珠片係佢自己一針一線縫上去嘅，都幾專業同有美感，我畀佢嘅分數係A+，佢係今年六月畢業嘅，應該喺十一月份返嚟行畢業禮。」
對於葉翠翠遭熟人致電報館大爆其校內情史，問到吳教授可覺得葉翠翠是校內風頭躉時，他說：「佢個子生得高，可能會較易令人留意到佢，當時接觸佢，感覺佢唔算高調，有調查顯示理工嘅學生最識打扮，讀時裝系會打扮嘅女同學多的是，佢都係普通T恤牛仔褲啫。」
吳教授又表示印象中的葉翠翠比較我行我素，甚少與其他同學埋堆，他說：「可能佢比較成熟，個性幾獨立，好少見佢同成班同學一齊，佢讀書期間都有向我提過做兼職模特兒，學校嘅宗旨係唔影響學業都冇問題嘅，等如有同學兼職幫人補習一樣。○四年嘅畢業作品展，佢都有份行catwalk，佢參選港姐我亦唔覺得意外。」
問到吳教授可知葉翠翠與同校男生拍拖兼同居時，他表示非學術性提問不作評論。
感謝教授
「佢睇住我成長」
昨日葉翠翠出發往上海，準備出席今日一個公開活動，對於吳教授力撐她是品學兼優好學生一事，葉翠翠說：「我都要多謝吳教授，重有其他Miss同阿Sir嘅悉心教導。我份人好緊張，一有唔識就捉住老師係咁問，所以老師會對我有深刻印象，我覺得讀設計最重要係要有靈感。」
葉翠翠又說：「我對咗呢個教授三年，佢都應該了解我嘅為人同性格，佢睇住我成長，會相信啲報道唔係事實，佢都係講真話。」葉翠翠又表示自己有不少夢想，她說：「當然我都想做一名出色時裝設計師，不過𠵱家我嘅任務係履行港姐職責。」
採訪：卓美娟、比華利 攝影：林德雄
